«Къайда бирлик анда тирлик»

Къырымтатар халкънынъ такъдиринде чешит агъырлыкълар олды. Олды заманлар кучьлю-къуветли девлет оларакъ яшайышны корьди. Олды заманлар силинип олюм алында тюшти.

Демек, къырымтатар халкъынынъ зенгин, улу, фаджиа толу тарихы бар. Нелер олмаса да, эр бир вазиетте халкъымыз башыны эгмеди, бири-бирине къол тутып, аркъа алып инсанджасына яшады.

Миллетимиз чалышты, окъуды, къоранталарны къурып, балларыны ана тилине огретип, ватанпервер, динли-ишанлы тербие берип яшады.

Бугунь де «Къырым бирлиги» ве «Къырым къадынлары» тешкилиятлар бу адетлерини озь япкъан ишлеринен, эткен адымларынен пеките.

Меним къорантам къыйын алгъа тюшти. Чокъ меселелер пейда олды. Бу вакъытта «Къырым бирлиги» ве «Къырым къадынлары» тешкилият векиллери акъыллы, мергъаметли къырымтатар къызлары келип озь ярдымыны текиф эттилер.

Буюк огълумны мектепке къабул этильмеси ичюн къол туттылар. Балаларыма урба, татлы емеклер, оюнджакълар багъышладылар. Оларгъа бир байрам куню багъышладылар. Лякин энъ къуванчлы шу ки, сизинъ алынъыз насыл, деп сорагъанлары.

Эр бир инсангъа янгъызлыкъ энъ къыйындыр, миллетин дестеги исе энъ къыйметлидир.

Сагъ олунъыз, Аллах Тааля эпинизге къавий сагълыкъ, япкъан ишлеринизге узакъ омюр, мувафакъиет берсин.

 

 Урметнен,

Эльзара ханум Мустафаева